حلب(پاکستان نیوز پوائنٹ 17مارچ2017ء) شام انا جنگ آن تباہ حال شار حلب اٹی جنگی جہاز آک اسہ مسیت اسے آ بمباری کریر ہراٹی 42نمازی شہید و چندیک ٹھپی مسر۔ انسانی حق انا ادارہ شامی آبزرویٹری نا رداٹ دا واقعہ قطبی شام اٹی باغی تا زیر انتظام ، الحبینہ ، علاقہ ٹی ہمووخت آ پیش بس ہراتم بمبار جہاز آک اسہ مسیت اسے آ فضائی جلہوکریر۔ بمباری ٹی 42نمازی شہید و چندیک ٹھپی مسنو۔
برطانیہ آن شام اٹی انسانی حق اکن کاریم کروک آ ادارہ شامی آبزرویٹری انسانی حق نا پاننگ ءِ کہ ہراتم دا جلہو مس ہمووخت آ مسیت اٹی خفتن نا نماز خواننگاکہ۔ تنظیم نا رداٹ کہوک آتیٹی زیات تر لس شاری ءُ۔ گڑاس ذرائع ابلاغ نا پاننگ ءِ کہ فی الحال دا واضح متنے کہ دا فضائی کارروائی دِنا کنڈآن کننگانے ولے روسی و شامی جہاز دا علاقہ ٹی بال کرسا کیرہ۔
