سویلی و دے ٹکی اوغانستان اٹی اوغان فضائیہ و امریکی ڈرون جلہو آتیٹی 55عسکریت پسند آتا تپاخت کننگ نا داوا

کابل(پاکستان نیوز پوائنٹ 16مارچ2017ء) سویلی و دے ٹکی اوغانستان اٹی اوغان فضائیہ و امریکی ڈرون جلہو آتیٹی 55عسکریت پسند آتا تپاخت کننگ نا داوا کننگانے۔ اوغان میڈیا نا رداٹ کابل اٹی وزارت دفاع نا کنڈآن جاری مروک آ بیان اٹی پاننگانے کہ سویلی صوبہ ہلمند نا ضلع نادعلی ٹی فضائی جلہو آتیٹی کم از کم 36طالبان تپاخت کرینو۔ بیان اٹی پاننگانے کہ دا جلہو آتیٹی 8 طالبان ٹھپی مسنو وخت اس کہ سلہہ و گولہ بارود آتے نسخان رسینگا۔ دے ٹکی صوبہ ننگرہاراٹی امریکی جاسوس جہاز انا جلہو اٹی داعش نا 17 کارندہ تپاخت کریر۔ گورنر ننگرہار نا ترجمان عطاء اللہ خوگیانی پارے کہ امریکی جاسوس جہاز آتا دا جلہو آچین و کوٹ انا علاقہ غاتیٹی مسنو۔