دے ٹکی اوغانستان اٹی امریکی جاسوس جہاز آتا جلہو اٹی اِرا کمانڈرآتون اوار 29 عسکریت پسند تپاخت، غزنی ٹی فضائی جلہوو ڈغاری کارروائی ٹی 11عسکریت پسند تپاخت، کابل اٹی نادرست بندغ آک اِرا پولیس کارندہ غاتے سم اٹ خلسا کسفیر

کابل(پاکستان نیوز پوائنٹ 15مارچ2017ء) دے ٹکی اوغانستان اٹی امریکی جاسوس جہاز آتا جلہو اٹی اِرا کمانڈر آتون اوار 29 عسکریت پسند تپاخت و چندیک ٹھپی مسنو۔ غزنی ٹی فضائی جلہو و ڈغاری کارروائی ٹی 11 عسکریت پسند تپاخت کریر۔ کابل اٹی نادرست بندغ آک اِرا پولیس کارندہ غاتے سم اٹ خلسا کسفیر۔ اوغان میڈیا نا رداٹ گورنر آفس نا ترجمان پارے کہ تدوک آ دے امریکی جاسوس جہاز آک پکتیکا نا ضلع زروک نا علاقہ تنگی ٹی اسہ شکبر ءُ ٹھکانہ اسے نشانہ جوڑ کریر۔

داکارروائی ٹی اِرا کمانڈر آتون اوار 29 عسکریت پسند تپاخت و چندیک ٹھپی مسر۔ ترجمان دا بابت مستی سرجم احوال تتو۔ نیامی صوبہ غزنی ٹی فضائی جلہو و ڈغاری کارروائی ٹی 11 عسکریت پسند تپاخت کریر۔ کمامدارآتارداٹ داٹی سلہہ و گولہ بارود ہم دوئی کننگا۔ کابل اٹی نادرست بندغ آک اِرا پولیس کارندہ غاتے سم اٹ خلسا تپاخت کریر۔ کمامدارآتارداٹ دا واقعہ 8می پولیس ضلع ٹی مس۔ داوخت اسکان ہچ ءُ رڑیا تنظیم اس دا جلہو نا زمواری ءِ امناکتنے۔ اوغانستان اٹی برمتہ گرآک آسٹریلوی امدادی کارندہ اسے یلہ کریر۔ نیاڑی امدادی کارندہ ءِ گدرینگوک آ سال نومبر اٹی برمتہ کننگاسس۔