اقوام متحدہ(پاکستان نیوز پوائنٹ 08مارچ2017ء) اقوام متحدہ ٹی پاکستان نا آخبتی مندوب ڈاکٹر ملیحہ لودھی پارینے کہ سلامتی کونسل اٹی بے آخبتی باسک آتاکچ اٹی ودکی آن کونسل زیات نمائندگی نا حامل مریک۔ اوداہیت ءِ سلامتی کونسل اٹی اصلاحات کن بین الحکومتی مذاکراہ آن تران کرسا پارے۔ اوپارے کہ پاکستان داہیت آ باور کیک کہ سلامتی کونسل نا بے آخبتی باسک آتا کچ اٹی ودکی ہی ہمو اسٹ انگا ذریعہ ءِ ہراڑآن کونسل ءِ زیات نمائندہ حیثیت تننگ مریک و بیرہ ہندا دروشم اٹی ہی علاقائی ملک آتا است خواہی تے جہانی فیصلہ سازی ٹی جاگہ تننگ مریک۔
داوخت آ برکس ملک (بھارت ، جاپان، برازیل و جرمنی) سلامتی کونسل نا آخبتی باسک آتا کچ اٹی ودکی کن کوشست کننگ اُن ولے پاکستان و اٹلی نا سروکی ٹی یونائیٹڈ فار گنسینسز گروپ ناکوشست ءِ کہ سلامتی کونسل نا بے آخبتی باسک آتا کچ اٹی ودکی کننگے داوڑنا نشست آتا مد ءِ ودیکی تننگے و ملک آتے دُوارہ گچین کاری نا موقع ہم تننگے۔
