سرینگر(پاکستان پوائنٹ نیوز۔ یکم اگست۔2016ء) مقبوضہ کشمیر اٹی بھارتی فوجیک ریاستی دہشت گردی نا جاری کارروائی تاوخت آ تدوک آ تو جولائی ٹی 74بے گناہ کشمیری تے شہید کریر ہرافتے ٹی 4نیاڑی و12چناہم اوارو۔ کشمیر میڈیا سروس نا ریسرچ سیکشن نا کنڈآن دوشنبے آ جاری حساب وکتاب نا رداٹ اوفتے آن مسہ بندغ ءِ جعلی مقابلہ ٹی وخت اس کہ 60 شہری تا پدسلوک آتیا اندھا دھند سم کاری کرسا شہید کننگا۔
تدوک آ تو مروک آ شہیدی تا نتیجہ ٹی 3نیاڑی جنوزان و 8چناچوری مسنو۔ مقبوضہ علاقہ ٹی بھارتی فوجی و پولیس کارندہ غاتا کنڈآن تدوک آ تو پرامن مچی تیا پیلٹ گن و آنسو گیس تون اوار واک انا وحشیانہ کاریم اٹ ہتنگ آن پنچ ءُ نیم ہزار آن زیات کشمیری بھاز ٹھپی مسر وخت اس کہ داوخت انا وخت آ 605شاری ہرافتے ٹی گیشتر ورنااوار ئسر ءِ دزگیر کننگا۔ بھارتی فوجیک تدوک آ تو اُراتیٹی زبردستی پترینگسا کم از کم 90نیاڑی تا بے حرمتی ءِ کریر۔
