واشنگٹن(پاکستان نیوز پوائنٹ 17فروری2016ء) امریکی دارالحکومت واشنگٹن اٹی پاکستانی سفارت خانہ نا کنڈآن اسلام آباد نا اسہ اسکول اسے نا طالب علم اسے نا اعزاز اٹی دوداسے نا بست وبند کننگا۔ دود آن امریکہ ٹی پاکستان نا سفیر جلیل عباس جیلانی دودآن تران کرے و پاکستانی طالب علم ءِ امریکہ ٹی بخیرٹ اٹ پارے۔ اواسٹ اسٹ آ غٹ طالب علم آتون اوڑدہی کرے و اوفتا ذہانت و قابلیت نا ستاتون اوار اوار اوفتا است بڈی ءِ ہم کرے۔
اوطالب علم آتے گدرینگوک آ 7 عشرہ ٹی پاک امریکہ نا تعلقداری تا بارواٹی بریفنگ ہم تس۔ اوپارے کہ ساڑی منہ سال اٹی ہڑتوم آ ملک آتا تعلقداری تیٹی صفاءُ گچینی اس بسنے و دہشت گردی نا برخلاف جہانی کہول آ جاری کوشست آتیٹی پاکستان نا کڑدانا ستاءِ کننگ انگ ءِ۔ یات سلے کہ اسلام آباد نا اسہ نجی اسکول اسے نا 20 طالب علم نارتھ امریکن انوی ٹیشنل ماڈل نیشنز پروگرام نارداٹ امریکہ نا دورہ غاٹی ءُ۔ دا پروگرام 16آن 19 فروری آ اڈ تننگ انگ ءِ و داٹی 40 ملک آتیان 3500 طالب علم بشخ ہلنگ ءُ۔
