اسلام آباد(پاکستان نیوزپوائنٹ 16مارچ2018ء) پاکستانی ٹیم ایشین سکوائش ٹیم چیمپیئن شپ اٹی بشخ ہلنگ کن (اینو) ہفتہ نا دے سویلی کوریا غا رادہ مریک، ایشین چیمپیئن شپ مینز اینڈ ویمنز 21آن 25 مارچ اسکان کوریا ٹی گوازی کننگک ہراٹی 4 نرینہ و 4نیاڑی گوازی گر پاکستان نا نمائندگی ءِ کیرہ۔ پاکستان سکوائش فیڈریشن (پی ایس ایف) نا کنڈآن جاری کروک سرجم احوال آتارداٹ پنچ دے ئی ایونٹ اٹی ہشت باسکی قومی ٹیم ایکشن اٹ خننگک ، قومی ٹیم چار نرینہ و چار نیاڑی گوازی گر آتیا تالان ءِ ، نرینہ گوازی گر آتے ٹی فرحان زمان، طیب اسلم، عماد فرید و محمد عاصم خان وخت اس کہ زالبول گوازی گر آتے ٹی سعدیہ گل، فضا ظفر و رفعت خان اوار ءُ۔
ایشین چیمپئن شپ آن پد قومی ٹیم بروک آ تُو آسٹریلیا ٹی مروک آ کامن ویلتھ گیم تے ٹی ہم بشخ ہلیک۔ گیم تیٹی فرحان زمان، طیب اسلم ، ماریہ طور و مدیحہ ظفر پاکستان نا نمائندگی ءِ کیرہ، پی ایس ایف کمامدارآک پاریر کہ گوازی گر آک پبی تیاری کرینو، اومیت ءِ کہ او ہڑتوم آ ایونٹ آتے ٹی عمدہ کارکڑد نشان ترسا گچین نتیجہ غاتون اوار وطن آ پدی بریرہ۔
