پاکستان کرکٹ ٹیم ہندا تو اٹی ویسٹ انڈیز نا دورہ ءِ کیک، دورہ ٹی اِرا ٹی 20، مسہ ون ڈے و مسہ ٹیسٹ میچ گوازی کننگک، ہڑتوم آ ٹیم تا نیام اٹ اولیکو ٹی 20 انٹرنیشنل 31مارچ آ گوازی کننگک

اسلام آباد(پاکستان نیوز پوائنٹ 06مارچ2017ء) پاکستان کرکٹ ٹیم ہنداتواٹی ویسٹ انڈیز نا دورہ ءِ کیک ہراڑے او میزبان ٹیم انا برخلاف اِراٹی 20، مسہ ون ڈے و مسہ ٹیسٹ میچ گوازی کننگک۔ ہڑتوم آ ٹیم تا نیام اٹ اولیکو ٹی 20 انٹرنیشنل 31مارچ و ارٹ میکو 2اپریل آ گوازی کننگک، ہڑتوم آ میچ آک پورٹ آف سپین اٹی شیڈول ءُ۔ ون ڈے سیریز نا بنا7اپریل آن مریک۔ ارٹ میکو ون ڈے 9 اپریل و مسٹ میکو 11اپریل آ گوازی کننگک۔ ہنداوڑ مسہ ٹیسٹ میچ آتیا تالان سیریز نا اولیکو ٹیسٹ 22آن 26اپریل اسکان کنگسٹن ، ارٹ میکو 30 اپریل آن 4مئی اسکان برج ٹاؤن وخت اس کہ مسٹ میکو و آخریکو ٹیسٹ 10آن 14مئی اسکان ڈومینکا ٹی گوازی کننگک۔ ٹیسٹ سیریز آن مست پاکستانی ٹیم 15آن 17 اپریل اسکان وارم اپ میچ گوازی کیک۔