سیاسی دباؤ ءِ چٹفسا سندھ پولیس ءِ مثالی پولیس اس جوڑ کننگ مریک ، پوسکنا وزیراعلیٰ خذمت نا ذریعہ ہی سرسہب مریک پاکستان تحریک انصاف نا کسرشون شبلی فراز نا میڈیا تون ہیت وگپ

اسلام آباد(پاکستان پوائنٹ نیو ز 29۔جولائی۔2016ء) پاکستان تحریک انصاف نا کسرشون شبلی فراز پارینے کہ سیاسی دباؤ ءِ چٹفسا سندھ پولیس ءِ مثالی پولیس اس جوڑ کننگ مریک ، پوسکنا وزیراعلیٰ السی خذمت نا ذریعہ سرسہب سلک۔ جمعہ آ پارلیمنٹ ہاؤس نا پیشن میڈیا تون ہیت وگپ کرسا اوپارے کہ مسکوہی ٹی سندھ پولیس اٹی ڈوہدار بندغ آتے بھرتی کننگا و ہموبندغ آتیان تینا مسخت ءِ دوئی کننگ انگ ءِ۔

اوپارے کہ پوسکنا وزیراعلیٰ سندھ پولیس اٹی اصلاحات اتے و اوفتیا سیاسی دباؤ ءِ چٹفسا اوفتے مثالی فورس اس جوڑ کننگ اٹی تینا کڑد ءِ اداکے، صوبہ خیبر پختونخوا ٹی پی ٹی آئی پولیس آ سیاسی دباؤ ءِ ختم کرینے۔ اسہ سوج اسینا ورندی ٹی اوپارے کہ اومیت ءِ کہ پوسکنا وزیراعلیٰ الس نا خذمت کن تینا ذہن ءِ کاریم اٹ ہتیک۔