اسلام آباد(پاکستان پوائنٹ نیو ز 29۔جولائی۔2016ء) جماعت اسلامی نا امیر سینیٹر سراج الحق پارینے کہ سندھ انا پوسکنا وزیراعلیٰ کانود نا بالادستی و امن و ایمنی نا حالیت آتے گچین جوڑ کے و رشوت و کمیشن ءِ چٹفسا ادارہ غاتے سوگو جوڑ کے۔ جمعہ آ پارلیمنٹ ہاؤس نا پیشن میڈیا تون ہیت وگپ کرسا اوپارے کہ سندھ انا پوسکنا وزیراعلیٰ نا سرسہبی کن دعاگو ءِ، اونا اولیکو کاریم کانود نا بالادستی ، امن و ایمنی نا حالیت آتے گچین و صوبہ ٹی رشوت و کمیشن ءِ چٹفسا ادارہ غاتے سوگو جوڑ کروئی ءِ۔
اوپارے کہ سندھ اٹی وڈیرہ شاہی ءِ ہموڑے ڈپٹی کمشنر و ضلعی پولیس افسر آتا ہیت ءِ خف توننگپک، پوسکنا وزیراعلیٰ غان خواست ءِ کہ او کانود و انصاف آ حکومت قائم کرسا مثال قائم کے۔ اسہ سوج اسینا ورندی ٹی اوپار ے کہ قومی اسمبلی نا باسک و سینیٹ نا باسک آک السی نمائندہ ءُ، پی اے سی نا قائمہ کمیٹی ٹی سینیٹرز نا شمولیت آن وزارت آتا صاف و شفاف آڈٹ ءِ باوری جوڑ کننگک و اوڑآن پبلک اکاؤنٹس کمیٹی نا اہمیت پین ودک۔
