اسلام آباد(پاکستان نیوز پوائنٹ 02 فروری2016ء) مسلم لیگ (ن) نا راہشون و باسک قومی اسمبلی میاں جاوید لطیف پارینے کہ کراچی ملک انا معاشی بنجاءِ، کراچی ٹی امن وایمنی نا حالیت آک پین گچین مننگ ءُ۔ پنچ شنبے آ پارلیمنٹ ہاؤس نا پیشن میڈیا تون ہیت وگپ کرسا اوپارے کہ کراچی ملک انا غٹ آن بھلا معاشی حب وملک انا مخ انا ملی نا حیثیت تخک۔ کراچی ٹی امن و ایمنی اڈ ہلیک تو کراچی نا صنعت چلینگک و خلقت ءِ روزگار ناوارخواہی دوبریک۔ اوپارے کہ داسہ کراچی نا حالیت مسہ سال مست انا حالیت آن بھاز گچین ءِ۔ کراچی آپریشن آن ٹارگٹ کلنگ، بھتہ مافیا، کون آ عنصر آتیان بھلو حد اسکان نجات ملانے۔ اوپارے کہ دا پاننگ سہی اف کہ کراچی آپریشن نا باوجود ڈوہدار عنصر آک ولدا کاٹم ہرفنگ ءُ۔
کراچی ملک انا معاشی بنجاءِ، کراچی ٹی امن و ایمنی نا حالیت آک پین گچین مننگ ءُ، باسک قومی اسمبلی میاں جاوید لطیف
7 سال دیما