اسلام آباد(پاکستان نیوز پوائنٹ 02 فروری2016ء) جمعیت علمائے اسلام (ف) نا باسک قومی اسمبلی مولانا امیر زمان پارینے کہ امریکی صدر ڈونلڈ ٹرمپ انا ذہن اٹی مسلمان تا برخلاف دشمنی پُر ءِ ، محمد زبیر نا بطور گورنر سندھ تقرری خوش آئند ءِ، اومیت ءِ کہ او کراچی ٹی امن و ایمنی نا حالیت آتے پین گچین جوڑ کیک۔ پنچ شنبے آ پارلیمنٹ ہاؤس نا پیشن میڈیا تون ہیت وگپ کرسا اوپارے کہ ٹرمپ گچین کاری مہم اٹی ہم مسلمان تا برخلاف خارانگیز بیان ترسا کرے، اونا دماغ اٹی مسلمان تا برخلاف سخت نفرت ءِ، پاکستان ءِ دہشت گردی نا برخلاف جنگ آن ہم کشوئی مریک۔
داجنگ اٹ بیرہ یہودی تے فائدہ مننگ ءِ۔ اسہ سوج اسے نا ورندی ٹی اوپارے کہ محمد زبیر نا بطور گورنر تقرری خوش آئند ءِ۔ اومیت ءِ کہ او کراچی ٹی امن و ایمنی نا حالیت آتے پین گچین جوڑ کیک۔
