بنجائی دارالحکومت اٹی ملاوٹ و غیر معیاری گڑاتا توننگ کن ایکٹ زوت اسمبلی ٹی پیش کننگک، وزیر مملکت داخلہ نا توجوہ ترفوک نوٹس آ خیال آتا درشان

اسلام آباد(پاکستان نیوز پوائنٹ 31جنوری2016ء) وزیر مملکت داخلہ انجینئر بلیغ الرحمان پارینے کہ بنجائی دارالحکومت اٹی ملاوٹ و غیر معیاری گڑاتا توننگ کن آئی سی ٹی فوڈ سیکورٹی و سٹینڈرڈ ایکٹ جوڑ کننگانے ہرادے زوت اسمبلی ٹی پیش کننگک۔ سے شنبے آ قومی اسمبلی ٹی خالدہ منصور، ثریا اصغر، آسیہ ناز تنولی، شکیلہ لقمان نا اسلام آباد اٹی زاریلی ءُ پال انا سپلائی نا بابت توجوہ ترفوک نوٹس نا ورندی ٹی وزیر مملکت داخلہ انجینئر بلیغ الرحمان پارے کہ بنجائی دارالحکومت اٹی ملاوٹ شدہ پال انا غاو تیا 67چالان کننگا۔

269انسپکشن کننگا، 202سیمپل ہلنگا وخت اس کہ 21ہزار لیٹر پال زیان کننگا۔ دابابت داسہ پوسکن ءُ ایکٹ آئی سی ٹی فوڈ سیکورٹی و سٹینڈرڈ ایکٹ اس جوڑ کننگانے ہرادے زوت منظوری کن اسمبلی ٹی پیش کننگک۔