فوجداری کانود ترمیمی بل 2017ء قومی اسمبلی ٹی پیش، مستی کارروائی کن تعلقدار قائمہ کمیٹی ناحوالہ

اسلام آباد(پاکستان نیوز پوائنٹ 31جنوری2016ء) فوجداری کانود ترمیمی بل 2017ء قومی اسمبلی ٹی پیش کننگا ہرادے مستی کارروائی کن تعلقدار قائمہ کمیٹی نا حوالہ کننگا۔ سے شنبے آ ایم کیو ایم نا باسک ایس اے اقبال قادری ایوان اٹی بل پیش کننگ نا موکل خواہس ، ایوان آن موکل ملنگ آن پد اوبل ءِ پیش کرے۔ اوبل انا غرض و مسخت آتے پارسا معلومدار کرے کہ دا بل انا بنداوی مسخت پاکستان نا شاری تے دروغ انا مقدمہ غاتیٹی اوار کننگ آن توننگ نا ءِ۔ وزیر کانود زاہد حامد پارے کہ مست آن سی آر پی سی ٹی ترمیم کن بھاز انگا کاریم تے کرینے۔ دامرحلہ غا او دابل انا مخالفت ءِ ہم کپک۔ دادے کمیٹی آ گدریفنگے ہراڑآ اسپیکر بل ءِ کمیٹی آ گدریفے۔