اسلام آباد(پاکستان نیوز پوائنٹ 31جنوری2016ء) فلسطین نا صدر محمود عباس نا اعزاز اٹی سے شنبے آ وزیراعظم ہاؤس اٹی بیابخیری دود اس اڈ ہلک ہرا تدوک آ نن پاکستان نا دورہ غا سرمسوسس۔وزیراعظم محمد نواز شریف ایوان وزیراعظم نا بنجائی درگہ غا مہمان صدر نا جم و جوش اٹ خیرمقدم ءِ کرے۔ پاک فوج انا چاق و چوبند دستہ اودے سلامی پیش کرے۔ داوخت آ ہڑتوم آ ملک آتا قومی ترانہ ءِ خلنگا۔
صدر محمود عباس گارڈ آف آنر نا معائنہ ءِ کرے ، اوکان پد وزیراعظم محمد نواز شریف تینا کابینہ نا باسک آتے فلسطینی صدر تون درستی راستی کرفے وخت اس کہ فلسطینی صدر تینا ڈل انا وزیراعظم تون درستی راستی ءِ کرفے۔ اوکان پد وزیراعظم محمد نواز شریف و فلسطینی صدر محمود عباس نا نیام اٹ ون ٹو ون اوڑدہی و ڈل انا کہول آ مذاکرات مس۔
