قومی اسمبلی ٹی پنچ شنبے آ پیش بروک آ واقعہ افسوزناک ئس، قائد ایوان و باسک آتا بارواٹی ہڑتوم آ کنڈآتیان ہرالوز آتے کاریم اٹ اتنگا داڑآن ایوان نا تقدس مجروح مسنے، اسپیکر قومی اسمبلی سردار ایاز صادق

اسلام آباد(پاکستان نیوز پوائنٹ 27جنوری2016ء) اسپیکر قومی اسمبلی سردار ایاز صادق پارینے کہ قومی اسمبلی ٹی پنچ شنبے آ پیش بروک آ واقعہ افسوزناک ئس، قائد ایوان و باسک آتابارواٹی ہڑتوم آ کنڈآتیان ہرا لوز آتے کاریم اٹ اتنگا داڑآن ایوان نا تقدس مجروح مسنے۔ غٹ پارلیمانی لیڈرآتون اواری اٹ ایوان ءِ چلیفنگ کن ضابطہ اخلاق وضع کروئی ءِ۔ جمعہ آ قومی اسمبلی ٹی تلاوت کلام پاک و نعت رسول مقبول ﷺ آن پد اسپیکر قومی اسمبلی پارے کہ پنچ شنبے آ ایوان اٹی ہرا واقعہ پیش بس او افسوزناک ئس۔

ایوان اٹی ہرالوز اسہ ایلو کن کاریم اٹ اتنگا اوڑآن دا ہاؤس نا تقدس مجروح مس۔ اوپارے کہ داوڑ ایوان ءِ چلیفنگ مفک، غٹ پارلیمانی لیڈرآتون اواری اٹ ضابطہ اخلاق وضع کننگ نا ءِ، داڑکن غٹ پارلیمانی لیڈرآتا دیوان اس بٹنگانن کہ دیوان ءِ امر چلیفوئی ءِ۔ اودیوان ءِ 30منٹ اکن ملتوی کرے۔