عدالتی فیصلہ عمران خان نا خواہش نا رداٹ برے تو سچ، ورنہ دروغ سرپند کیک تہ، طارق فضل چوہدری

اسلام آباد(پاکستان نیوز پوائنٹ 27جنوری2016ء) مسلم لیگ (ن) نا راہشون طارق فضل چوہدری پارینے کہ عدالتی فیصلہ عمران خان نا خواہش نا رداٹ برے تو سچ ، ورنہ دروغ سرپند کیک تہ۔ سپریم کورٹ نا پیشن میڈیا تون ہیت وگپ کرسا اوپارے کہ عمران خان نا پاننگ ءِ کہ پاناما کیس مون آ بتوکہ تو سچ مون آ بتوکہ۔ طارق فضل عمران خان آن سوج کرے کہ نی سچ انا اصل صفت ءِ پاء، نی تو ہرا دروغ دوبہ غاتا کیس ءِ عدالت اٹی ایسوسس اوفتا شاہدی تے عدالت اٹی پیش کننگ کتو۔ مایوس مرسا وکیل آتے بدل کننگ نا بناءِ کرے ، اوکان پد کیس انا رخ ءِ وزیراعظم نا پارلیمنٹ نا تقریر نا کنڈآ کرے و داہیت ہم دروغ ثابت مس ۔ ارٹ میکو کنڈوزیراعظم محمد نواز شریف تینا مسہ نسل آتے حساب کن پیش کرینے۔