اسلام آباد(پاکستان نیوز پوائنٹ 26جنوری2016ء) مسکوہی سفیر نجم الدین شیخ نا پاننگ ءِ کہ بھارت نا یوم جمہوریہ آ کنٹرول لین نا ہڑتوم آ کنڈ یوم سیاہ اڈتننگ اہمیت تخک ۔ ریڈیو پاکستان تون ہیت وگپ کرسا اوپارے کہ کشمیری ہرسال بھارت نا یوم جمہوریہ غا یوم سیاہ اڈایترہ و 8تو مست برہان وانی نا شہیدی آن پد یوم سیاہ اڈتننگ نا اہمیت پین ودانے۔ اوپارے کہ مقبوضہ کشمیر اٹی ورناک گدرینگوک آ ہشت توآن سراپابرانز ءُ۔
و اوفتا پاننگ ءِ کہ او حق خودارادیت ہلنگ بیدس آرام اٹ تولپسہ۔ نجم الدین پارینے کہ بھارت دنیا ءِ دا باور کرفنگ نا کوشست کننگ ءِ کہ یوم سیاہ و برانز سیم پار آن کننگک و اوٹی کشمیریک اوار مفسہ۔ اوپارے کہ دا یوم سیاہ آن کشمیری دنیا آ داصفا کننگ خوارہ کہ مقبوضہ کشمیر اٹی کشمیری الس بھارتی بیدادی آن تنگ بسنو و او اقوام متحدہ نا منظور کروک قرارداد آتارداٹ تینا حق خودارادیت خوارہ۔ یات سلے کہ یوم سیاہ نا خواست سید علی رضا گیلانی، میر واعظ و محمد یٰسین ملک آ تالان مزاحمتی سروک آتا کنڈآن کننگک۔
