اسلام آباد(پاکستان نیوز پوائنٹ 26جنوری2016ء) وزیراعظم نا سلاہکار قومی تاریخ و ادبی میرات عرفان صدیقی پارینے کہ فلمی صنعت نا مون آ دننگ کن جامع حکمت عملی اس تیار کننگ انگ ءِ۔ نجی ٹی وی چینل تون ہیت وگپ کرسا اوپارے کہ درملکی فلم تا دراامد آ ہچ ءُ حکومتی پابندی اس خلوک اف ولے سنسر بورڈ انا مست آن ساڑی قوائد و ضوابط آ عملدرآمد برجاہ ءِ و وقتا فوقتا سلامتی و دفاعی گرج آتا رداٹ قوائد و ضوابط نا جاچ ءِ ہلنگ ہردے نا ہیت اسے۔
اوپارے کہ فلمی صنعت نا شونداری و سینما مالک، پروڈیوسر و فلم ڈسٹری بیوٹرخواجہ غاتا مشکل آتے ہُننگ کن میٹنگ نا چرجوئی برجاہ ءِ و حکومت اوفتا کنڈآن بروک آ سلاہ غاتا جاچ ءِ ہلنگ ءِ۔ عرفان صدیقی پارے کہ حکومت فلم ڈسٹری بیوٹرءِ این او سی نا دوئی کن مون تروک مشکل آتے ایسر کننگ کن گام گیج کننگ ءِ۔ وزیراعظم نا سلاہکار پارے کہ سینما مالک ، پروڈیوسر و فلم ڈسٹری بیوٹرآتون میٹنگ نا چرجوئی پین وخت اس ہم برجاہ سلک و اوفتا ویل آتے اولیتی بنداو تیا ایسر کننگک۔
