اسلام آباد(پاکستان نیوز پوائنٹ 24جنوری2016ء) صدر مملکت ممنون حسین پارینے کہ گدرینگوک آ گڑاس دور اٹی ہچ ءُ بھلو ڈٹ اسے کاریم متنے ہرانا سوب الس ءِ ہچ ءُ خاطر خواہ آسراتی اس دوبننگ کتنے و پاکستان شونداری نا کسرآ روان مننگ کتنے۔ تعلیم نا گچینی و اودے پوسکن آ اصول آتیا استوار کننگ نا قومی فرض ءِ۔ پاکستان نا نظام تعلیم ءِ پوسکن آن پوسکن تر جوڑ کننگ تون قومی مسخت آتیان ہم آہنگ ہم تخنگے۔
صدر مملکت داہیت ءِ سے شنبے آ داڑے علامہ اقبال اوپن یونیورسٹی ٹی انٹر بورڈ چیئرمین کمیٹی (آئی بی سی سی ) نا کنڈآن ”پاکستان اٹی نظام امتحان آتیان بابت قومی کانفرنس “ آن تران کرسا پارے ہراٹی بنجائی وزیر بین الصوبائی رابطہ ریاض حسین پیرزادہ ، سیکرٹری وزارت بین الصوبائی رابطہ راجہ محمد نادر علی، سیکرٹری ، انٹر بورڈ کمیٹی آف چیئرمین محمد رمضان اچکزئی ، وائس چانسلر علامہ اقبال اوپن یونیورسٹی ڈاکٹرشاہد صدیقی آن بیدس شرفمند آ مہمانک ساڑی ئسر۔
صدر مملکت پارے کہ توانائی نا ڈٹ آتیا ترندی اٹ کاریم برجاہ ءِ و 2018ء اسکان توانائی نا تنکی چٹک۔ اقتصادی راہداری پوسکن ءُ گمان آتے ودی کرینے۔ اوپارے کہ سی پیک نا دروشم اٹی پاکستان نا روشنا آخبت ننا درگہ غا ٹک ٹک کننگ ءِ ہراڑآن نن بایدے پبی فائدہ ہرفن و دامسخت کن طالب علم آک بایدے تینے تیار کیر۔ صدر مملکت پارے کہ کرپشن غٹ آن بھلا ناسور ءِ ہرانا چٹفنگ کن غٹ راج ءِ یکجا مننگ نا گرج ءِ۔ اوپارے کہ ماضی نا نزور پالیسی تا سوب جان جوڑی و تعلیم نا بشخ بھاز خراب زہمی مس داسہ ہراڑآ پبی چکار کننگ انگ ءِ۔
