اسلام آباد(پاکستان نیوز پوائنٹ 24جنوری2016ء) مسلم لیگ (ن) نا باسک قومی اسمبلی مائزہ حمید پارینے کہ مریم نواز 2018ء نا گچین کاری تیٹی پی ٹی آئی نا جنازہ ءِ ہرفک۔ سپریم کورٹ انا پیشن میڈیا تون ہیت وگپ کرسا اوپارے کہ عمران خان ءِ وزیراعظم محمد نواز شریف نا کنڈآن ملتان اٹی اسہ پین فیتہ اس کاٹنگ آ افسوز مریک۔ اوپارے کہ مریم نواز شریف عمران خان نا اعصاب آ طاری ءِ انتئے کہ او 2018ء نا گچین کاری تا مون آ بروک آ لیڈر ءِ، و عمران خان اونا خوف زدہ ءِ۔
مائزہ حمید پارے کہ عمران خان ہر جاگہ و ہر چینل آ مریم نواز شریف نا پن ءِ ہلیک ، اودے تینا مسڑ نا خیال ہم بفک۔ مسلم لیگ (ن) نا راہشون پارے کہ عمران خان ءِ سماءِ کہ مریم نواز ہی 2018ء نا گچین کاری تیٹی پی ٹی آئی نا جنازہ ءِ ہرفوئی ءِ۔ اوپارے کہ نن الیکشن کمیشن اٹی عمران خان آن تلاشی خوائنگ اُن و او تلاشی تفننگ ءِ۔
