ایئر پورٹ روڈ آ نادرست سلہہ بند بندغ آک سم کاری کرسا اسہ بندغ اسے کسفیر

کوئٹہ(پاکستان نیوز پوائنٹ 24جنوری2016ء) کوئٹہ نا علاقہ ایئر پورٹ روڈ آ نادرست سلہہ بند بندغ آک سم کاری کرسا اسہ بندغ اسے کسفیر۔ پولیس نا رداٹ ایئر پورٹ روڈ آ نادرست سلہہ بند بندغ آک سم کاری کرسا عبدالراشد پنی ءُ بندغ اسے نا خون ءِ کریر۔ دوبہ دار آک موقع واردات آن نرنگ اٹی سرسہب مسر، سم کاری نا سوب معلوم مننگ کتو۔ پولیس ءِ احوال ملنگ تون پولیس جاگہ غا سرمرسا لاش ءِ سول ہسپتال آ گدریفے ہراڑے المی کارروائی آن پد لاش ءِ اوفتا وارث آتا حوالہ کریر ، پولیس علاقہ نا ناکہ بندی ءِ کرسا دوبہ دارآتا پٹنگ نا بناءِ کرے۔