صوبائی دارالحکومت کوئٹہ تون اوار کیہی علاقہ غاتیٹی پر و برف باری نا چرجوئی ارٹ میکو دے ہم برجاہ

کوئٹہ(پاکستان نیوز پوائنٹ 24جنوری2016ء) کوئٹہ ٹی پر و کان مہترزئی ٹی برف باری نا چرجوئی ارٹ میکو دے ہم برجاہ سلیس، پرتیان پد یخ انا شدت اٹی ودکی مسنے، محکمہ موسمیات پین پرانا پیشن گوئی ءِ کرینے ، حکومت بلوچستان الس ءِ سفری پارت جاری کرسا پارے کہ محکمہ موسمیات نا کنڈآن برف باری و پر تا پیشن گوئی آن پد اسہ دے اس غیر المی سفر آن پاناد کننگے، اناگت برساتی نالہ غاتیٹی دیر انا بننگ آن جانی و مالی نسخان نا خلیس ءِ، پرتیان خروٹ آباد اٹی اسہ اُراسے نا چھت تمنگ آن نیاڑی اس کسک و 3چناٹھپی مسر، ہنداوڑ ہرنائی ٹی پر اناچرجوئی ارٹ میکو دے ہم برجاہ سلیس، نوشکی آن ہم پرتا احوال رسینگک، پنجپائی ، سبی ، اوستہ محمد، ڈیرہ مراد جمالی، مستونگ ، قلات ، خضدار ، دالبندین پشین آن پر تا احوال رسینگانے وخت اس کہ کان مہترزئی ٹی اِرادے آن برف باری نا چرجوئی برجاہ ءِ ہرانا سوب ٹرفک سلنگ نا گواچی ءِ۔