اسلام آباد(پاکستان پوائنٹ نیوز۔28 جولائی۔2016) بنجائی وزیر ڈٹ بندی و شون احسن اقبال پارینے کہ بڑزکو تعلیم نا مون آ دننگ و ترویج کن پاک امریکہ نالج کوری ڈور مزل نا نشان ثابت مریک، نالج کوریڈور آن بروک آ دہ سال اٹی مچ آ ملک اٹی 10ہزار پی ایچ ڈی اسکالر تیار کننگک۔ داخیال آتا درشانی ءِ او پنچ شنبے آ داڑے امریکی یونیورسٹی نا ڈل اتون اوڑدہی نا وخت آ کرے۔
بنجائی وزیر پارے کہ تاریخ ثابت کرے کہ نشیب و فراز نا باوجود پاکستان و امریکہ نا نیام اٹ تعلقداریک اڈ ہلوک ءُ، مسکوہی ٹی پاکستان امریکہ تعلقداری اسٹریجک و سیکورٹی نا بشخ آتسکان محدود سلیسنو۔ اوپارے کہ اینو پاکستان و امریکہ نا تعلقداریک جیو اسٹریٹجک آن جیو اکنامک نا دور اٹی پترینگانو۔ پاکستان اولیکو ملک ءِ ہرانا پارلیمنٹ سوگو شون نا ہدف آتے دوئی کننگ کن متفقہ قرارداد منظورکرینے ۔ اوپارے کہ وژن 2025سوگو شونداری ہدف آتا دوئی کن روڈ میپ فراوان کیک۔ اوپارے کہ اقوام عالم ءِ نیزگاری، معاشی عدم توازن و راجی چیلنج آتون مون تننگ کن تین پہ تینی اشتراک نا عمل ءِ مون آ دروئی مریک۔
