اسلام آباد (پاکستان پوائنٹ نیوز۔28 جولائی۔2016) الیکشن کمیشن مسلم لیگ (ن) نا باسک قومی اسمبلی کیپٹن (ر) محمد صفدرآن پندار کاغد آتیٹی تینا اُرائی نا میراث آتے ظاہر کپننگ آ 9اگست اسکان نوشتہی ورندی طلب کرینے۔ الیکشن کمیشن نا 5باسکی بنچ چیف الیکشن کمشنر جسٹس (ر) سردار محمد رضا خان نا سروکی ٹی پاکستان تحریک انصاف نا کسرشون نوابزادہ صلاح الدین نا کنڈآن کیپٹن (ر) محمد صفدر نا نابودی نا بارواٹی دائر درخواست نا سماعت ءِ کرے۔
سماعت نا وخت آ تحریک انصاف نا وکیل پارے کہ کیپٹن (ر) محمد صفدر تینا پندارکاغدآتیٹی تینا اُرائی نا پیشن نا ملک جائیداد نا ملکیت ظاہر کتہ نے۔ کیپٹن (ر) صفدر نا وکیل سینیٹر نہال ہاشمی تینا دلیل اٹی پارے کہ دا پٹیشن قابل سماعت اف انتئے کہ اوٹی تروک آ غٹ دوبہ غاک غلط ءُ ۔ اوبینچ آن خواست کرے کہ او ثبوت آتا عدم فراوانی آ داکیس ءِ خارج کے۔
