کوئٹہ(پاکستان نیوز پوائنٹ 09جنوری2016ء) مسلم لیگ (ن) ضلع خاران نا راہشون محمد عظیم ریکی پارینے کہ قطری شہزادہ غاتا ضلع واشک و خاران نا گل زمین آ شکار کن بننگ خوش آئند ءِ، امیر قطر نا کنڈآن علاقہ نا الس کن 10ایمبولینس آتا ٹیکی نعمت اسے آن کم اف، داہیت ءِ او دوشنبے آ کوئٹہ پریس کانفرنس آن تران کرسا کرے۔ مسلم لیگ (ن) ضلع خاران نا راہشون محمد عظیم ریکی پارے کہ امیر قطر ننا شرفمندامہمان ءِ بلوچستان نا قبائلی روایت آتے مون آتخسا مہمان نوازی ننا متکن آ روایت آتا بشخ اسے گڑاس بندغ آتا کندآن روڈ ءِ بند کننگ الس ءِ یخ اٹی خوار کننگ سمجھ آن ایڑتر ءِ اوپارے کہ بنجائی وزیر سیفران جنرل (ر) عبدالقادر بلوچ نا کوشست و جندی تعلقداری تا سوب امیر قطر تینا سنگت آتون اوار چنٹز انا شکار کن بننگ خوش آئند ءِ نن اوفتے خاران نا گل زمین آ ببو خیرٹ پانہ ، اوپارے کہ چنٹز انا شکار اگہ غیر کانودی ءِ تو ملکی عدالت آک ساڑی ءُ روڈ ءِ بند کرسا الس ءِ خوار کننگ ہرادانشمندی ءِ۔
