سلاہ ئی مردم شماری آبلوچستان الس نا گیشتر مفاد نا خاطر ہیت و گپ المی ءِ، ساروان ہاؤس اٹی غیر رسمی دیوان اٹی نواب زادہ لشکری رئیسانی ، ڈاکٹر عبدالمالک بلوچ ، ملک عبدالولی کاکڑ و ایلوفتا ساڑی مننگ

کوئٹہ(پاکستان نیوز پوائنٹ 09جنوری2016ء) ساراوان ہاؤس اٹی اسہ غیر رسمی دیوان اس اڈ ہلک ہراٹی نواب زادہ حاجی میر لشکری رئیسانی مسکوہی وزیراعلیٰ بلوچستان ڈاکٹر عبدالمالک بلوچ ، بلوچستان نیشنل پارٹی نا راہشون ملک عبدالولی کاکڑ ، ملک نصیر احمد شاہوانی ، ہزارہ سیاسی کارندہ غاتا راہشون طاہر ہزارہ، مسکوہی صوبائی وزیر اسماعیل گجر و چوہدری زبیر ساڑی مسر، دیوان اٹی بلوچستان ءِ مون تروک حالیت خاص کر مردم شماری نا بابت خیال آتا درشانی ءِ کننگا داہیت آ ساڑی مروک آتا دیوان اٹی اتفاق خننگا کہ سلاہ ئی مردم شماری بلوچستان الس نا گیشتر مفاد نا خاطر تنگ نظری و تعصب آن پاک اصولی موقف اختیار کننگ کن ہیت وگپ المی ءِ، ساڑی مروک آتا دیوان اٹی مردم شماری نا ایجنڈا غا ہیت وگپ مس و ساڑی مروک آتیٹی اتفاق فکرو نظر خننگا و داہیت آ امنا کننگاکہ بلوچستان ءِ مون تروک حالیت آتیان بابت سیاسی جماعت آتا نیام اٹ مکالمہ نا گرج ءِ المی گوندنگا۔

دیوان اٹی داہیت آ امنا کننگاکہ ہیت وگپ نا عمل ءِ بایدے برجاتخنگے۔