کوئٹہ(پاکستان نیوز پوائنٹ 03جنوری2016ء) ڈی ایس ایم مشتاق احمد نا کماشی ٹی پی پی ایچ آئی واشک نا ماہانہ جاچ دیوان اس اڈ ہلک۔ دیوان اٹی ایگزیکٹو ایڈمن آفیسر سیف الرحمان مینگل تون اوار بی ایچ یوز نا ڈاکٹر و پیرامیڈیکس اسٹاف ہم ساڑی ئسر۔ دیوان اٹی بی ایچ یوز نا بابت جتا ویل و اوفتا ایسری نا بابت سرجم شرہ کننگا و خاص کر ماہانہ رپورٹ نا کوائف ءِ پورو کننگ و ای پی آئی نا بابت بروخت رپورٹنگ آ زورشاغنگا و اوڑتون ہی جتا بی ایچ یوز اٹی ایف ایم ٹی و ایل ایچ یوز نا کارکڑد نا ہم جاچ ءِ ہلنگا۔
دیوان آن تران کرسا ڈی ایس ایم واشک مشتاق احمد پارے کہ پی پی ایچ آئی نا عملی گام گیج آتیان خلقی علاقہ غاتیٹی بنداوی بنجاء جان جوڑی ٹی خلقت ءِ بروخت طبی امداد فراوان کننگ انگ ءِ و اوڑتون ہی ہیلتھ سینٹر نا بنداوی گرج آتے پورو کننگ انگ ءِ۔ اوپارے کہ ڈاکٹر و پیرامیڈیکس تینا کسبی خذمت آتیٹی ہر حد اسکان کار۔ دا چرجوئی ٹی غیر حاضر اسٹاف نا برخلاف سخت کانودی کارروائی مریک ۔ داڑتون اوار پی پی ایچ آئی نا کوشست مریک کہ ضلع واشک نا مر مر انگا بی ایم ایچ یوز اٹی ایل ایچ ویز نا تعیناتی ءِ عمل اٹی اتنگ مرے تانکہ زالبول نا طبی امداد کن دمدستی گام گیج کننگ مرے۔
