اسلام آباد (پاکستان پوائنٹ نیوز۔26 جولائی۔2016) اسلام آباد، راولپنڈی تون اوار بڑزکو پنجاب ، فاٹا، خیبر پختونخوا و کشمیر اٹی گیشتر ہند آتیا پر اِرادے اسکان برجاء سلنگ نا گمان ارے۔ پی ٹی وی نا رداٹ تدوک آ24گھنٹہ نا وخت اسلام آباد، راولپنڈی، گوجرانوالہ، لاہور ڈویژن ، کشمیر، مالاکنڈ، ہزارہ ، مکران و میر پور خاص ڈویژن اٹی گڑاس ہند آتیا ترند تہو و ہورہ و گروک تون پر مس ، ملک انا ایلو علاقہ غاتے ٹی موسم گرم و مرطوب سلیس۔
تدوک آ دے غٹ آن زیات پر ، پنجاب مری 46ملی میٹر ریکارڈ کننگا وخت اس کہ غٹ آن زیات درجہ حرارت نوکنڈی ٹی 45ڈگری سینٹی گریڈ ریکارڈ کننگا۔ محکمہ موسمیات نا رداٹ بروک آ 24گھنٹہ نا وخت آ اسلام آباد ، راولپنڈی، گوجرانوالہ، لاہور ڈویژن ، کشمیر ، مالاکنڈ، ہزارہ، مکران ، مالاکنڈ، ہزارہ ڈویژن کشمیر و گلگت بلتستان اٹی ترند تہو و ہورہ و گروک تون پر انا گمان ءِ۔ ملک انا ایلو علاقہ غاتیٹی موسم پدریسہ گرم مرطوب سلنگ نا گمان ءِ۔ محکمہ موسمیات خبردارکرینے کہ بروک آ اِرا دے اسکان موسلا دھار پر انا سوب پنجاب، خیبر پختونخوا، گلگت بلتستان و کشمیر انا برساتی نالہ غاتے ٹی ڈورک و مشی آ علاقہ غاتے ٹی لینڈ سلائیڈنگ مننگ کیک۔
