اسلام آباد(پاکستان نیوز پوائنٹ 27دسمبر2016ء) اسپیکر قومی اسمبلی سردار ایاز صادق لاہور پریس کلب نا گچین کاری تیٹی سرسہب عہدیدار آتے مبارکباد ترسا اومیت ظاہر کرینے کہ پوسکن گچین مروک آ عہدیداران، صحافتی برادری نا شرحالی کن کاریم کیرہ۔ سے شنبے آ تینا مبارکباد نا کلہو اٹی اسپیکر محمد شہباز میاں ءِ صدر، زاہد گوگی ءِ نائب صدر، عبدالمجید ساجد ءِ سیکرٹری و احسن شوکت ءِ جوائنٹ سیکرٹری نا عہدہ غا سرسہبی آ مبارکبادی تسنے۔
اسپیکر پارے کہ اونا سرسہبی باسک آتا اوفتا پت ءِ۔ اواومیت ظاہر کرے کہ پوسکن گچین مروک آ عہدیدار ان صحافتی برادری نا شرحالی و اوفتے مون تروک ویل آتاایسری کن تینا پبی کڑد ءِ ادا کیرہ۔ اوپارے کہ اظہاررائے نا آجوئی ملک اٹی جمہوریت نا سوگوی کن المی ءِ و اسہ آجو و وت واجہ میڈیا حکومتی پالیسی تیا مثبت تنقید آن الس نا مفاد اٹی خذمت سرانجام ایتک۔