اسلام آباد(پاکستان نیوز پوائنٹ 27دسمبر2016ء) مسلم لیگ (ن) نا باسک قومی اسمبلی مائزہ حمید پارینے کہ عمران خان الیکشن کمیشن اٹی تینا برخلاف دائر ریفرنس نا پیروی آن بیدس غیب ءِ۔ تحریک انصاف الیکشن کمیشن اٹی تاخیری حربہ اختیار کننگ اٹی ءِ۔ وزیراعظم محمد نواز شریف تینے ہرجاگہ غا احتساب کن پیش کرینے۔ سے شنبے آ الیکشن کمیشن نا پیشن عمران خان و جہانگیر ترین نا برخلاف ریفرنس آتا سماعت آن پد میڈیا تون ہیت وگپ کرسا مسلم لیگ (ن) نا باسک مائزہ حمید پارے کہ تحریک انصاف ءِ سماءِ کہ او الیکشن کمیشن اٹی تینا کیس ءِ کَٹفک ہنداخاطران اونا وکیل پیشی آ حاضر متو۔
نابودی ریفرنس اٹی تحریک انصاف نا وکیل تون ہچ ءُ شاہدی اس اف۔ ننا حق ءِ الیکشن کمیشن اٹی پین دستاویزپیش کین و الیکشن کمیشن اٹی پین دستاویزی شاہدی ہم جمع کرفینہ۔ اوپارے کہ ننا وکیل آک سماعت نا وخت آ ساڑی ئسر ولے تحریک انصاف تاخیری حربہ اختیار کننگ ءِ۔ عمران خان بدستور غیب ءِ۔
