تحریک انصاف وتی توکی مڈ ءُُ جنگ ءِ تہ ءَ میڈیا ءَ را نشانگ مہ کنت، عمران خان ءَ بد جوزی ءُ بد تمیزی ءِ کلچر تالان کتگ، ایش ھمیشی ءِ سبب اِنت

اسلام آباد (پاکستان پوائنٹ نیوز۔25 جولائی۔2016) بُنجاھی وزیر اھوالکاری ءُ شنگکاری ءُُ راجی مڈی سینیٹر پرویز رشید ءَ گوشتگ کہ تحریک انصاف وتی توکی مڈ ءُُ جنگ ءِ تہ ءَ میڈیا ءَ را نشانگ مہ کنت، ما ایشرا ایراد گراں۔ دو شمبے ءِ روچ ءَ وتی یک بیانے ءِ تہ ءَ اھوالکاری ءِ وزیر ءَ گوشت کہ عمران خان ءَ بد جوزی ءُ بد تمیزی ءِ کلچر تالان کتگ، ایش ھمیشی ءِ سبب اِنت۔ آئی ءَ گوشت کہ پی ٹی آئی ءِ باسک آنی نیمگ چہ اھوال در آنی سر اُرش کنگ ءَ را سک باز مزمت ءَ کناں۔ بُنجاھی وزیر ءَ گوشت کہ ایشی ءَ چہ پیسر میڈیا ءَ را پی ٹی آئی ءِ نیمگ ءَ دُژمان ءُُ بد دیگ ءُُ اُرش کنگ ءَ گوں دیم پہ دیمی کنگ کپتگ۔