16 دسمبر نا بابت زیات آن زیات ہیت کننگ نا موقع تننگے، قومی اسمبلی ٹی اپوزیشن باسک آتا خواست

اسلام آباد(پاکستان نیوز پوائنٹ 16دسمبر2016ء) قومی اسمبلی ٹی اپوزیشن جماعت آک جمعہ آ ایوان آن واک آؤٹ کریر۔ اوفتا موقف ئس کہ اپوزیشن باسک آتے 16دسمبر نا بابت زیات آن زیات ہیت کننگ نا موقع تننگے، ڈپٹی اسپیکر اپوزیشن باسک انا تقریر آن پد حکومت باسک دانیال عزیز ءِ ہیت کننگ نا موقع تس توداڑآ سید نوید قمر پارے کہ ایوان اٹی ایلو جماعت آتا باسک آتے ہم ہیت کننگ نا بایدے موقع تننگے۔ ڈپٹی اسپیکر دانیال عزیز ءِ ہیت کننگ کن پارے تو داڑآ اپوزیشن جماعت آک ایوان آن واک آؤٹ کریر۔ پی ٹی آئی نا کنڈآن کورم نا پیدواری نا عندیہ ظاہر مننگ آ ڈپٹی اسپیکر قومی اسمبلی نا دیوان ءِ دوشنبے نا بیگہ نا چار بجہ اسکان ملتوی کرے۔