اسلام آباد (پاکستان پوائنٹ نیوز۔23 جولائی۔2016) وزیر ءِ ھزانگ سینیٹر محمد اسحاق ڈار ءِ پاگواجئی ءَ سٹیٹ بینک کراچی ءَ دیوان برجم دارگ بوت ایشی ءِ تہ ءَ میکرواکنامک جاور اٰل ءَ ھوار ھاسیں رنگ ءَ مالیاتی شوبگ ءِ کرد ءِ بابت ءَ چار ءُُ تپاسگری کنگ بوت۔ دیوان ءِ ساھت ءَ جون 2016ءَ ھلاس بوھوکیں سئے ماھی مالیاتی شوبگ ءِ کرد ءِ سرءَ چار ءُُ تپاس کنگ بوت۔
اے ساھت ءَ زرکاری ءِ راجی مڈی 23ارب ڈالر ءِ ریکاٹی ایں کچ ءَ سر بوتگ اَنت۔ وزیر ءِ ھزانگ ءَ ملک ءِ میکرواکنامک جاور اٰل آنی سر ءَ دلیکیمی ءِ درشان کُت ءُُ گوشت کہ توامیں شوبگ آنی سر ءَ دیمروئی ءِ کار برجا مانیت ، ایش کہ سئے سال پیسر بندات کنگ بوتگ اَنت۔ دیوان ءِ تہ ءَ سٹیٹ بینک ءِ ڈپٹی گورنر ءُُ ایندگہ مزن مزنیں کارندہ ھوار اَتاں۔ دیوان ءَ چہ پد بُنجاھی وزیر ھزانگ اسحاق ڈار یک روچی جِندی تر ءُُ تاب ءَ دبئی ءَ روانگ بوتگ۔ آ مروچیگ واتر وطن ءَ کئیت ءُُ دوشمبے ءَ سٹیٹ بنک ءِ کارندہ آنی گوما یک دیوانے ءِ پاگواجئی ءَ کنت۔
