اسلام آباد (پاکستان پوائنٹ نیوز۔23 جولائی۔2016) وزیر ءِ ھزانگ سینیٹر محمد اسحاق ڈار ءِ پاگواجئی ءَ سٹیٹ بینک کراچی ءَ دیوان برجم دارگ بوت ایشی ءِ تہ ءَ میکرو اکنامک جاور اٰل ءُُ ھاسیں رنگ ءَ مالیاتی شوبگ ءِ کرد ءُُ آئی ایم ایف ءِ 12دوازدھمی چار ءُُ تپاسی کار آنی تیاری آنا چار ئُپ بچار کنگ بوت ، ایش جولائی ءِ گڈ ی یک شمبے ءَ دبئی ءَ برجم دارگ بوھگ ءَ اِنت۔
دیوان ءِ ساھت ءَ جون 2016ءَ ھلاس بوھوکیں سے ماھی ءِ ساھت ءَ مالیاتی شوبگ ءِ کرد ءِ سر ءَ چار ءُُ بچار ھم کنگ بوت۔ اے ساھت ءَ زرکاری ءِ راجی مڈی 23ارب ڈالر ءِ ریکاٹی کچ ءَ سر بوتگ۔ وزیر ءِ ھزانگ ءَ ملک ءِ میکرواکنامک جاور اٰل آنی بابت ءَ دلیکیمی ءِ درشان کُت ءُُ گوشت کہ توامیں پڑ آنی تہ ءَ دیمروئی ءِ کار ھمے پیم ءَ برجا بہ بیت ھمے پیم ءَ گوستگیں سئے سال آں چہ جاڑی اِنت۔ دیوان ءِ تہ ءَ سٹیٹ بینک ءِ ڈپٹی گورنر ءُُ ایندگہ مزن مزنیں کارندہ آں بھر زُرت۔
