پاکستان تحریک انصاف تون اوار غٹ سیاسی جماعت آک آزاد کشمیر نا گچین کاری تیٹی کشمیری الس نا رائے نا شرف ءِ کیر، سینیٹر حافظ حمد اللہ

اسلام آباد(پاکستان پوائنٹ نیوز۔22 جولائی۔2016) جمعیت علماء اسلام (ف) نا کسرشون سینیٹرحافظ حمد اللہ پارینے کہ پاکستان تحریک انصاف تون اوار غٹ سیاسی جماعت آک آزاد کشمیر نا گچین کاری تیٹی کشمیری الس نا رائے نا شرف ءِ کیر۔ ناچ گانہ و بھلا بھلا جلسہ غاتیان تبدیلی بفک۔ جمعہ آ پارلیمنٹ ہاؤس نا پیشن میڈیا تون ہیت وگپ کرسا اوپارے کہ آزاد کشمیر نا سابقہ حکومت کشمیری الس نا پت آ پورو سلتو ہنداخاطران شکست آن دوچار مس۔

ننے دھاندلی نا دوبہ غاتیان پیشن پیش تموئی مرے۔ اگہ ای کٹیوہ تو گچین کاریک سہی اگہ کٹفیوہ تو دھاندلی نا دوبہ خلیو داوڑبایدے مف۔ اوپارے کہ تحریک انصاف تون اوار غٹ سیاسی جماعت آتے آزاد کشمیر نا گچین کاری تیٹی کشمیری الس نا رائے نا شرف ءِ کروئی مرے ،ناچ گانہ و بھلا بھلا جلسہ غاتیان تبدیلی بفک۔