اسلام آباد (پاکستان پوائنٹ نیوز۔22 جولائی۔2016) بنجائی وزیر کانود زاہد حامد پارینے کہ بنجائی حکومت خراج کانود اٹی شفافیت ہتنگ کن ایف بی آر نا استثنیٰ جاری کننگ نا واک آتے چٹفینے۔ جمعہ آ ایوان بالا نا دیوان اٹی وقفہ سوج آتا وخت آ سینیٹر محسن لغاری نا سوج انا ورندی ٹی بنجائی وزیر کانود زاہد حامد پارینے کہ بنجائی حکومت خراج کانود اٹی شفافیت ہتنگ نا پالیسی آ عملدرآمد کن فنانس ایکٹ 2015ء نا وساطت آن ایف بی آر نا استثنیٰ جاری کننگ نا واک آتے چٹفینے۔
صرف بنجائی حکومت اقتصادی رابطہ کمیٹی نا منظوری آن قومی سلامتی ، قدرتی آفت، فوڈ سیکورٹی ، پسماندہ علاقہ غاتا شون و ہڑتوم آ کنڈآتا وکثیر الجہتی معاہدہ غاتا دروشم اٹی استثنیٰ تننگ کیک۔ اوپارے کہ رعایتی ایس آر اوز ءِ مرحلہ وار چٹفنگک۔ اولیکو اِرا مرحلہ غاتیان اِرا مرحلہ چٹانو۔
