اسلام آباد۔ 22جولائی (اے پی پی) بنجائی وزیر کانود زاہدحامد پارینے کہ بینک آتیان کڑز معاف کرفنگ نا معاملہ پانامہ پیپرز نا جاست وپاست کن مجوزہ کمیشن نا ٹی او آرزاٹی اوڑدہ کننگ انگ ءِ ، احتساب آرڈیننس نا رداٹ بینک قصداََ نا دہندہ نا برخلاف کڑز انا وصولی کن وفوجداری مقدمہ دائر کننگ کیک۔ جمعہ آ ایوان بالا نا دیوان اٹی وقفہ سوج آتا وخت آ سینیٹر اعظم سواتی و سینیٹر عتیق شیخ نا سوج آتا ورندی ٹی بنجائی وزیر کانود پارے کہ داوخت مالیاتی ادارہ غاتے ناقابل ادا کڑز آتا ترند وصولی کن بنکاری عدالت آتے ٹی مقدمہ دائر کننگ نا موکل ءِ۔
سپریم کورٹ نا حکم آ کڑز معاف کرفنگ نا معاملہ جاست وپاست کن جسٹس جمشید علی شاہ نا سروکی ٹی اسہ کمیشن اس ہم جوڑ کننگاسس۔ کمیشن 1970ء آن 1991ء و 1991ء آن 2009 ء اسکان کڑز معاف کرفوک آتا معاملہ نا جاچ ءِ ہلک۔ اوپارے کہ ٹی او آرزاٹی نن داصلاح ءِ تسونن کہ جسٹس جمشید علی شاہ نا سفارشات آتے ہم مجوزہ کمیشن غوراٹی ہتے۔
