اسلام آباد(پاکستان نیوز پوائنٹ 24نومبر2016ء) صدر مملکت ممنون حسین ءَ گشتگ انت کہ ملک ءِ دفاع سوگو دست آں انت، مئے راج ءُُ سلاہ بندیں اُرد دژمن ءِ ہر وڑیں اُرش ءِ پسو دئیگ ءِ ھاترءَ ہر وھد تیار انت ۔ آئی ءَ اے گپ چیئر مین جوائنٹ چیفس آف سٹاف کمیٹی جنرل راشد محمود ءِ گوں گپ ءُُ تران کنگ ءَ کرتگ آھاں پنچ شمبے ءَ ایوان صدرءَ آئی گوں الوداعی گند ءُُ نند کرتگ۔
صدر مملکت ءَ جنرل راشد محمود ءِ ھذمت ءُُ آپریشن ضرب عضب ءِ سر سوبی ءَ آئی ءِ کوشست ءَ سہڑائینتگ۔ آئی ءَ گشتگ کہ جنرل راشد محمود یک راست ءُُ پیشہ وارانہ سپاہی انت ءُُ آئی ءِ قائدانہ زانتکاری ءِ وجہ ءَ سلاہ بندیں اُرد مہارت ءُُ پیشہ وارانہ زانتکاری ءَ اضافہ بوتگ انت۔ صدر ءَ گشتگ کہ پاکستان ءِ سلاہ بندیں اُرد دگنیا ءِ شریں فوج ءَ انت ءُُ آئی ءَ یک ہم وڑیں نا گہانی وھیل ءِ زیات دلیری ءُُ جوانمردی ءَ مقابلہ کرتگ انت۔ جنرل راشد محمود ءَ وتی مدت ءِ وھت ءَ صدر مملکتءِ کمک ءُُ راھشونی ءِ سرا آئی ءِ شکر ءَ گپتگ۔
