بین الاقوامی برات بھارت ءِ نیمگءَ دانستہ وڑ ءَ شہری آں نشانگ جوڑ کنگءُُ زیات بوؤکیں بیرانی آنی نوٹس بہ گر ات ءُُ لائن آف کنٹرول ءِ سرا ھراب بوؤکیں سیکورٹی ءِ جاورال ءِ ھلاسیءَ وتی فعال کرد پیش بہ داریت مزن وزیر محمد نواز شریف ءِ پاگواجہیءَ مراگش ءَ سرتاج عزیز، ڈی جی آئی ایس آئی لیفٹیننٹ جنرل رضوان اختر، طارق فاطمی ءُُ ناصر خان جنجوعہ بہر زرت انت

بین الاقوامی برات بھارت ءِ نیمگءَ دانستہ وڑ ءَ شہری آں نشانگ جوڑ کنگءُُ زیات بوؤکیں بیرانی آنی نوٹس بہ گر ات ءُُ لائن آف کنٹرول ءِ سرا ھراب بوؤکیں سیکورٹی ءِ جاورال ءِ ھلاسیءَ وتی فعال کرد پیش بہ داریت مزن وزیر محمد نواز شریف ءِ پاگواجہیءَ مراگش ءَ سرتاج عزیز، ڈی جی آئی ایس آئی لیفٹیننٹ جنرل رضوان اختر، طارق فاطمی ءُُ ناصر خان جنجوعہ بہر زرت انت

اسلام آباد(پاکستان نیوز پوائنٹ 24نومبر2016ء) پاکستان ءَ مقبوضہ کشمیر ءِ اُلس ءِ جائز جہد آجوئی ءِ ھاتر ءَ وتی اخلاقی، سیاسی ءُُ سفارتی حمایت برجاہ دارگ ءِ ازم کنگءَ میاں استمانی برات آنی سرا زور داتگ انت کہ آ بھارت ءِ نیمگ ءَ دانستہ وڑ ءَ شہری آں نشانگ جوڑ کنگ ءُُ زیات بوؤکیں بیرانی آنی سرا نوٹس بہ گیت ءُُ لائن آف کنٹرول ءِ سرا ھراب بوؤکیں سیکورٹی جاورال ءِ ھلاسی ءَ وتی شریں کرد پیش بہ داریت۔

اے گپ ءِ درشانی پنچ شمبے ءَ ادا مزن وزیر محمد نواز شریف ءِ پاگواجہی ءَ مراگش ءَ کرت انت آئی ءَ بھارتی سیکورٹی فورسز ءِ نیمگءَ وادی نیلم ءِ نزد مساپر بس آنی سرا ھون ریز اپرش ءَ پد پیداک بوؤکیں جاورال ءِ چار ءُُ تپاس گپت انت۔ مراگش ءَ بھارتی سیکورٹی فورسز ءِ نیمگ ءَ مسلسل بلا اشتعال تیر کاری ءِ پڑ ءَ لائن آف کنٹرول ءِ گوں جاورال ءِ سرا پکر کرت انت۔

مزن وزیر ءِ مشیر برائے خارجہ امور سرتاج عزیز ، ڈی جی آئی ایس آئی لیفٹیننٹ جنرل رضوان اختر، مزن وزیر ءِ کمک ھاس طارق فاطمی ءُُ بنجاہی سلامتی ءِ مشیر لیفٹیننٹ جنرل (ر) ناصر خان جنجوعہ ءَ ھاس کن 23نومبر 2016ءَ دھنیال سیکٹر ءَ بھارتی قابض فوج ءِ نیمگ ءَ سیز تیر کاری ءِ بلا اشتعال ھلاپ ورزی ءَ پد لائن آف کنٹرول ءِ گوں ھستیں جاورال ءِ سرا مزن وزیرءَ بریفنگ داتگ۔

اے موہ ءَ بھارتی فوج ءِ نیمگ ءَ دانستہ وڑ ءَ یک سویلین بس ءُُ پدا ٹپی آں آرگ ءِ ھاتر ءَ ایمبولینس ءَ نشانگ جوڑ کرتگ۔ مراگشءَ بسءِ سرا اُرش ءِ سرا زار شانی کنگ ءَ بھارتی مقبوضہ جموںءُُ کشمیر ءِ اُلس ءِ اقوام متحدہ ءِ سلامتی کونسل ءِ قرر داد آنی ردا حق وت واجہی ءِ پجارینگ ءِ ھاتر ءَ آئی ءِ چار ءُُ تپاس جہد ءِ ھاتر ءَ سیاسی، اخلاقی ءُُ سفارتی حمایت ءِ عہد کرتگ۔

مراگش ءَ میاں استمانی برات آن زور دات انتکہ آ شہری آن نشانگ جوڑ کنگ ءُُ زیات بوؤکیں سویلین جانی تاوانءِ نوٹس بہ گر ات ءُُ بھارت ءِ نیمگءَ دانستہ وڑءَ کشیدگی ءَ اضافہءِ وجہءَ لائن آف کنٹرول ءِ سرا سلامتی ءِ زیات بوؤکیں جاورال دور کنگءَ وتی ترندیں کرد پیش بہ دار ات۔ مراگش ءَ پاکستان ءِ سلاہ بندیں اُرد ءِ ورنا ءَ زبر دست ستا پیش کرتگ آئی ءَ گوستگیں روچ ماتیں وطن ءِ دفاع کنگءَ وتی جان ءِ قربانی پیش کرت انت۔

مراگش ءَ ہٹ دھرمی ءِ گوں ایمبولینس ءَ نشانگ جوڑ کنگءِ سرا اپسوز ءِ درشانی کرتگ کہ بس ءِ سرا اُرش ءِ آماچ ءِ کمک ءِ ھاتر ءَ برجاہ ات۔ اے میاں استمانی انسانی قانود ءِ ھلاپ ورزی انت۔ مراگش ءَ تپاک کرت انت کہ بھارت مقبوضہ کشمیر ءَ بھارتی سیکورٹی اُرد ءِ نیمگ ءَ بے گناہ ءُُ معصوم کشمیری آنی ھلاپ انسانی حقوق ءِ ھلاپ ورزی، قتل عام ءُُ زلمءَ میاں استمانی برات ءِ دیان دور کنگ ءِ کوشست کنگ ءَ انت، بالعموم دگنیا ءُُ ھاس کن بھارتءَ معلوم بوھگ لوٹیت کہ پاکستانی راج وتی کشمیری برات آں ہم ھچ یل نہ دنت ءُُ آھانی بروبر ءُُ اقوام متحدہ ءِ مینڈیٹ ءِ ردا جہد آجوئی ءِ ھاترءَ وتی حمایت برجاہ داریت۔

اے موہءَ مزن وزیر محمد نواز شریف ءَ گشتگ کہ پاکستانءَ لائن آف کنٹرول ءِ گوں بھارتی سیکورٹی فورسز ءِ نیمگءَ سیز فائر ءِ مسلسل ھلاپ ورزی ءَ ابید باز ضبط ءِ مظاہرہ کرتگ انت۔ آئیءَ گشتگ کہ ماں بے گناہ شہری ھاس کن زاھگ ءُُ زالبول ، ایمبولینس ءُُ سویلین ٹرانسپورٹ ءَ دانستہ وڑ ءَ نشانگ جوڑ کنگءَ ہر گز برداشت کرت نہ کن انت۔ مزن وزیر ءَ گشتگ کشمیر بہر ءُُ بانگ ہند ءِ نا سر جم ایجنڈا انت۔

ماں وتی کشمیری برات آنی جہد آجوئی ءَ ھچ دست بردات بوت نہ کنت۔ مراگش ءَ مزن وزیر ءِ مشیر برائے خارجہ امور سرتاج عزیز، مزن وزیر ءِ معاون ھاس طارق فاطمی، بنجاہی سلامتی ءِ مشیر لیفٹیننٹ جنرل(ر) ناصر خان جنجوعہ، ڈی جی آئی ایس آئی لیفٹیننٹ جنرل رضوان اختر، خارجہ سیکرٹری اعزاز احمد چوہدری ءُُ دومی سینئر سرکاری حکام ءَ بہر زرتگ۔