مانچسٹر(پاکستان پوائنٹ نیوز۔21 جولائی۔2016) پاکستان و انگلینڈ نا کرکٹ ٹیم تا نیام اٹ سیریز نا ارٹ میکو ٹیسٹ (اینو) جمعہ آن اولڈ ٹریفورڈ م، مانچسٹر اٹی بناء کیک۔ مہمان ٹیم پاکستان ءِ چار میچ آتا سیریز اٹی 1-0نا برتری دوئی ءِ۔ لارڈز اٹی گوازی کروک آ اولیکو ٹیسٹ میچ اٹی پاکستان انگلینڈ ءِ 75رنز انا واضح مارجن آن کٹفسا تاریخی سرسہبی دوئی کرے ۔
یات سلے کہ ہڑتوم آ ٹیم تا نیام اٹ مسٹ میکوکرکٹ ٹیسٹ 3آن 7اگست اسکان منگھم اٹی گوازی کننگک وخت اس کہ چارمیکو و آخریکو کرکٹ ٹیسٹ میچ 11آن 15اگست اسکان لندن اٹی گوازی کننگک۔ پنچ ون ڈے میچ آتا سیریز نا اولیکو میچ 24اگست آ ساؤتھمپٹن اٹی گوازی کننگک، ارٹ میکو ون ڈے میچ 27اگست آ لارڈزاٹی گوازی کننگک ، مسٹ میکو ون ڈے 30اگست آ نوٹنگھم اٹی گوازی کننگک، چارمیکو ون ڈے یکم ستمبر آ ہیڈ نگلے ٹی گوازی کننگک وپنچ میکو و آخریکو ون ڈے کرکٹ میچ 4ستمبر آ کارڈف اٹی گوازی کننگک۔
سیریز نا اسٹ انگا ٹی ٹونٹی میچ 7ستمبر آ مانچسٹراٹی گوازی کننگک۔ قومی کرکٹ ٹیم دورہ نا وخت آ آئرلینڈ نا برخلاف ہم اِرا ون ڈے میچ ہم گوازی کیک۔ اولیکو ون ڈے میچ 18اگست آآئرلینڈ نا برخلاف ڈبلن اٹی گوازی کننگک و ارٹ میکو ون ڈے میچ 20اگست آ ڈبلن اٹی مریک۔ آئی سی سی نا جہانی رینکنگ اٹی داوخت آسٹریلیا118پوائنٹس آتون اولیکو نمبر آٹی ءِ۔ بھارت 112پوائنٹس آتون ارٹ میکو، پاکستان ٹیم 111پوائنٹس آتون مسٹ میکو نمبرآٹی ءِ وخت اس کہ چارمیکو نمبر آ ساڑی انگلینڈ نا 108پوائنٹس ءُ۔
انگلینڈ نا برخلاف مروک آ ٹیسٹ سیریز اٹی 0-3یا 0-4آن سرسہبی نا دروشم اٹی پاکستانی ٹیم نمبرون رینکینگ دوئی کننگ کیک۔ پاکستان و انگلینڈ نا نیام اٹ سیریز نا ممکنہ نتیجہ و پوائنٹس نا حالیت آک گڑاس داوڑ مریرہ اگہ پاکستانی ٹیم سیریز اٹی 0-4یا 0-3آن سرسہبی دوئی کیک تو اونا پوائنٹس بالترتیب 119و 121مریرہ و او آسٹریلیا ءِ پدی ہلسا جہانی نمبر اسٹ جوڑ مننگ کیک ہنداوڑ گرین شرٹس اتون جہانی درجہ بندی ٹی اولیکو پوزیشن دوئی کننگ نا نادر موقع ءِ و داوخت کرکٹ نا شونکی تا خنک قومی ٹیم پاکستان مصباح الحق و ہیڈ کوچ مکی آرتھر آ خلوک ءُ۔
