اردو قومی یکجہتی نا توانا علامت ءِ ، آئینی گرج آتا پوروی کن حکومت سنجیدگی اٹ کاریم کننگ ءِ

سلاہکار وزیراعظم عرفان صدیقی نا پاکستان قومی زبان تحریک نا ڈل اتون ہیت وگپ

اردو قومی یکجہتی نا توانا علامت ءِ ، آئینی گرج آتا پوروی کن حکومت سنجیدگی اٹ کاریم کننگ ءِ 
سلاہکار وزیراعظم عرفان صدیقی نا پاکستان قومی زبان تحریک نا ڈل اتون ہیت وگپ

اسلام آباد(پاکستان پوائنٹ نیوز۔21 جولائی۔2016) وزیراعظم نا سلاہکار قومی تاریخ و ادبی میرات عرفان صدیقی پارینے کہ اردو ءِ بطور سرکاری زبان رائج کننگ آئینی گرج ءِ و حکومت سنجیدگی اتون دامسخت نا دوئی کن کاریم کننگ ءِ۔ او پنچ شنبے آ پاکستان قومی زبان تحریک نا اسہ ڈل اسے تون ہیت و گپ کریکہ ہرا پاکستان قومی زبان تحریک نا ڈاکٹر محمد عطاء اللہ خان، پاکستان قومی زبان تحریک نا شعبہ خواتین نا صدر فاطمہ قمر، قومی زبان تحریک نا سینئر نائب صدر حامد انوار و قومی تنظیم قومی زبان نا کمانڈر محمود اقبال آ تالان ئسک۔

عرفان صدیقی پارے کہ اردو قومی یکجہتی نا توانا علامت ءِ و اونا مون آ دننگ قومی زمہ واری ءِ۔ اوپارے کہ اونا وزارت اردو نا بطور سرکاری زبان ترویج آن بیدس جہانی کہول آ اونا ارتقاء و مون آ دننگ کن ہم منظم حکمت عملی اس جوڑ کننگ ءِ۔ اوپارے کہ اکادمی ادیب آتا رداٹ دارلترجمہ اڈتننگانے ہرا بھاز زوت کاریم نا بناءِ کیک۔ پاکستان قومی زبان تحریک نا کسرشون آک پاریر کہ اردو ءِ ذریعہ تعلیم نا وڑاٹ تینا کننگ آن بیدس قوم انا ورناتا لائخی تے مون آ دننگ مفک۔

ڈل بنجائی وزیر ءِ اردو نا ترویج و شون اٹی تینا ہروڑنا کمک نا یخین ترفے۔ ڈل وزیراعظم نواز شریف نا سروکی ٹی ساڑی آ حکومت نا قومی زبان کن کوشست و ڈٹ بندی نا ستاءِ کرے و پارے کہ دانازرک و اہم زمہ واری کن عرفان صدیقی کون آ اہل علم و دانشور نا گچینی درست سمت اٹی جوان ءُ گام اسے۔