کشمیر نازرک دور آن گدرینگ انگ ءِ ، دااقوام متحدہ ٹی کل آن متکن انگا ویل ءِ ، ساڑی آ حکومت، اپوزیشن ، عدلیہ، فوج ، میڈیا وحکومتی ادارہ غاک سوگو و فعال ءُ، مسکوہی وزیراعظم میر ظفراللہ خان جمالی

جعفرآباد (پاکستان پوائنٹ نیوز۔21 جولائی۔2016) مسکوہی وزیراعظم پاکستان و باسک قومی اسمبلی میر ظفر اللہ خان جمالی پارینے کہ کشمیر نازرک ءُ دور اسیان گدرینگ انگ ءِ ، دااقوام متحدہ ٹی کل آن متکن انگا ویل ءِ ہرا داوخت اسکان تعطل نا گواچی ءِ۔ برطانیہ نا زیات زمہ واری ءِ کہ او کشمیر نا ویل انا ایسری ءِ کشے۔ داخیال آتا درشانی ءِ او تینا ہنکین جاٹ جعفر آباد (روجھان جمالی) ٹی اسہ سیاسی ڈل اسے تون ہیت وگپ کرسا کرے۔

مسکوہی وزیراعظم پارے کہ پاکستان ہر لحاظ اٹ کشمیر تون تفینے کشمیری تا قربانی ضرور رنگ اس اتیرہ داوخت آ کشمیر نازرک ءُ دور اسیان گدرینگ انگ ءِ اقوام متحدہ ٹی کل آن متکن انگا ویل کشمیر نا ویل ءِ ہراداوخت اسکان پینڈنگ اٹی ءِ، برطانیہ نا زیات زمہ واری جوڑ مریک کہ او کشمیر نا ویل ءِ پرامن ایسری اٹی کڑد اداکے تانکہ کودک کشمیری تا زندآک بچنگ کیر۔

میر ظفراللہ خان جمالی پارے کہ ساڑی آ حکومت، اپوزیشن، عدلیہ، فوج، میڈیا وحکومتی ادارہ غاک حکومت و اپوزیشن اواری اٹ کڑدادا کیر تو غٹ ویل آک سنجیدگی اٹ ایسر مریرہ ، اگہ دافتا اسہ ایلو ٹی اتفاق برقرار سلتو تو ویل آک ہندن آن ہندن سلرہ، بلوچستان نا بابت اوپارے کہ مچ آ دنیا ٹی حالیت آک جوان و خراب مرسا کیرہ بلوچستان نا حالیت آک داسا بھاز جوان مسنو و پدریسہ جوانی نظر بننگ اٹی ءِ۔