وزارت مذہبی امور نا حج 2016ء کن سرکاری اسکیم نا رداٹ حج انا فرض انا ادائیگی کن عازمین تے حج مبارک آ سرکننگ نا بابت حج جہاز آتا شیڈول نا پڑو

وزارت مذہبی امور نا حج 2016ء کن سرکاری اسکیم نا رداٹ حج انا فرض انا ادائیگی کن عازمین تے حج مبارک آ سرکننگ نا بابت حج جہاز آتا شیڈول نا پڑو

اسلام آباد (پاکستان پوائنٹ نیوز۔21 جولائی۔2016) وزارت مذہبی امور حج 2016 ء کن سرکاری اسکیم نا رداٹ حج انا فرض انا ادائیگی کن عازمین تے حج مبارک آ سرکننگ نا بابت حج جہاز آتا شیڈول نا پڑوءِ کرینے ہرانا رداٹ حج آن مست عازمین تے حج مبارک آ سرکننگ نا کاریم 4اگست آن 5ستمبر اسکان پورو کننگک۔ وزارت مذہبی امور نا ذرائع ”اے پی پی“ تون ہیت وگپ کرسا پارے کہ سرکاری اسکیم نا غٹ عازمین تے اوفتا جہاز آتا سرجم آتیان بابت چھٹی راہی کننگانے۔

اوکان بیدس او تینا جہاز آتا شیڈول ءِ وزارت مذہبی امور نا ویب سائٹ آ ہم ہُننگ کیرہ۔ اوکان بیدس عازمین تے ایس ایم ایس نا کمک اٹ ہم احوال تننگک۔ اینخو نا سال سرکاری و پرائیویٹ اسکیم آتارداٹ جمی وڑاٹ اسہ لکھ 43ہزار 368پاکستانی حج انا فرض ءِ ادا کیرہ ہرافتے آن نیم سرکاری و نیم پرائیویٹ اسکیم نا رداٹ حج انا سعادت ءِ دوئی کیرہ۔ 4اگست آ اولیکو حج جہاز رادہ مریک۔

اولیکو 15دے حج جہاز آک براہ راست مدینہ منورہ غا کارہ، مدینہ منورہ غا رسینگوک آ حاجی تا وطن واپسی جدہ آن وخت اس کہ جدہ بالی پٹ آ دڑنگوک آ حاجی تا واپسی مدینہ منورہ غان مریک۔ اینخو نا سال وزارت مذہبی امور حاجی تے حج مبارک اٹی بالی پٹ آتیا ہرے اسکان انتظار کننگ نا کوفت آن بچفنگ کن دافیصلہ ءِ کرینے کہ سرکاری اسکیم نا رداٹ حاجی تا نیم کچ براہ راست مدینہ منورہ غاسرکننگے و نیم کچ جدہ غا سرکننگے۔ داڑآن عازمینک اِراجاگہ نا سفر نا کوفت آن بچنگ تون اوار اوار بالی پٹ آ ہرے اسکان انتظار آن ہم بچرہ ۔