اسلام آباد (پاکستان پوائنٹ نیوز۔20 جولائی۔2016) بنجائی وزیر پارلیمانی امور شیخ آفتا ب احمد پارینے کہ پاکستان نا سرکاری پاسپورٹ تخوک آ بندغ آک 33ملک آتے ٹی بیدس ویزہ غان پترینگ انگ کیرہ وخت اس کہ شش ملک آتا شاری تے پاکستان اٹی ویزہ غان بیدس پترینگ انگ نا موکل ءِ ۔ چارشنبے آ ایوان بالا نا دیوان اٹی وقفہ سوج آتا وخت آ سینیٹر اعظم سواتی، سید طاہر حسین مشہدی و ایلو باسک آتا سوج آتا ورندی ٹی بنجائی وزیر پارلیمانی امور شیخ آفتاب احمد ایوان ءِ پارے کہ پاکستان نا سرکاری پاسپورٹ تخوک آ بندغ آک 33ملک آتے ٹی بیدس ویزہ غان پترینگ انگ کیرہ وخت اس کہ شش ملک آتا شاری تے پاکستان اٹی ویزہ غان بیدس پترینگ انگ نا موکل ءِ۔
اوپارے کہ پاکستان نا سرکاری پاسپورٹ تخوک آتے ہرا ملک آتے ٹی ویزہ غان بیدس پترینگ انگ نا موکل ءِ اوفتے ٹی روس، ارجنٹائن ، ایران، میکسیکو، سویلی کوریا ، سری لنکا ، سربیا، نیپال، یمن ، ویت نام، انڈونیشیا ، ترکی، تیونس ، چین ، ہانگ کانگ و فن لینڈ ہم اوارو۔
