پاکستان کنٹرول لین نا پدریسہ خلاف ورزی و باڑخلنگ آ شدید برانز کرینے، دامعاملہ ءِ سلامتی کونسل اٹی ہم چست کننگانےبنجائی وزیر کانود زاہد حامد نا ایوان بالا ٹی وقفہ سوج آتا وخت آ ورندی

اسلام آباد(پاکستان پوائنٹ نیوز۔20 جولائی۔2016) بنجائی وزیر کانود زاہد حامد پارینے کہ پاکستان کنٹرول لین نا پدریسہ خلاف ورزی و سیم اتون باڑخلنگ آ شدید برانز کرینے، دا معاملہ ءِ سلامتی کونسل اٹی ہم چست کننگانے۔ چارشنبے آ ایوان بالا ٹی وقفہ سوج آتا وخت آ سینیٹر اعظم سواتی و ایم حمزہ نا سوج آتا ورندی ٹی بنجائی وزیر کانود زاہد حامد ایوان ءِ پارے کہ بھارت کنٹرول لین تون 460کلومیٹر کانٹہ دار تار خلکونے ہرا کہ ایل او سی آن 500 میٹر نا فاصلہ آٹی ءِ۔ اوپارے کہ پاکستان کنٹرول لین نا خلاف ورزی و باڑخلنگ آ شدید برانز کرینے و دامعاملہ ءِ اقوام متحدہ نا سلامتی کونسل اٹی ہم چست کرینے ، سلامتی کونسل نا غٹ باسک آتے حالیت آتیان معلومدار کننگانے۔