کوئٹہ (پاکستان نیوز پوائنٹ 9نومبر2016ء) پوریا گر ایکشن کمیٹی نا چیئرمین جعفر خان مندوخیل کوئٹہ پریس کلب اٹی پریس کانفرنس آن تران کرسا پارے کہ پوریا گر ایکشن کمیٹی مچ آ شار انا غٹ پوریا گر برادری نا حق اکن ہمہ وقت مصروف عمل ءِ۔ داوخت آ پوریا گر برادری نا راہشون ثناء اللہ خان نا سروکی ٹی کیہی پوریاگرک چیئرمین جعفر خان مندوخیل نا سروکی آ پبی پت کرسا پوریا گر ایکشن کمیٹی ٹی اوار مننگ نا پڑو ءِ کریر۔
اوفک پاریر کہ جعفر خان مندوخیل پوریا گر تا حقی نمائندہ ءِ ہراہروخت پوریاگر تا شرحالی کن جہد کرینے و پوریا گر ایکشن کمیٹی نا مسکوہی مسہ سال آن پوریاگرتا روا حق اکن ہرفورم آ پوریاگرآتون تفوک ءِ۔ او مستی پارے کہ کراچی ٹی اسہ سیاسی راہشون اسے نا کنڈآن جنرل (ر) حمید گل نا بارواٹی نازیبا لوز کاریم اٹ اتنگا ہرانا نن پبی مذمت ءِ کینہ انتئے کہ حمید گل اسہ محب وطن و پاکستان نا محسنین آتیٹی شمار مریک ۔
ثناء اللہ خان مستی پارے کہ پوریا گر آتا یکجا مننگ آن ملک اٹی معاشی شونہالی بریک۔ ایسر اٹی چیئرمین پوریا گر ایکشن کمیٹی جعفر خان مندوخیل پوسکن شمولیت اختیار کروک آباسک آتے ببوخیرٹ پارسا پارے کہ پوریاگر آتا حق انا خاطر شار انا غٹ پوریا گرتنظیم آتون اواری اٹ ہر فورم آ توار چست کینہ۔
