درستیں پنجاب ءَ 685ٹریفک وھیل ءَ 17مردم بیران،820ٹپی

لاہور(پاکستان نیوز پوائنٹ 7نومبر2016ء) پنجاب ءِ لہتیں ھند آں گوستگیں روچ ءَ 685ٹریفک وھیل بوت انت آھاں ءَ 820مردم سک ٹپی بوت انت آھاں زوتیں وڑ ءَ نزیکی ہسپتال آں برت انت چوشکہ 202مردم معمولی ٹپی بوت انت آھاں ریسکیو ٹیم آں جاہ وھیل ءَ زوتیں وڑ ءَ دارو درمان دات انت۔ دلگوش بہ بیت کہ پنجاب لہتیں ضلع آں اے ٹریفک وھیل ءِ وھد ءَ 17مردم بیران بوت انت آھانی میت ضلوری کارروائی ءَ پد وارث آنی ھوالہ کرت انت۔ ریسکیو1122ء ِ صوبائی مانیٹرنگ سیل ءَ رستگیں ایمر جنسی کال آنی ردا اے ٹریفک وھیل ءَ 325ڈرائیور31کم عمر ڈرائیور، 376مساپر ءُُ 119پیدال مردم آماچ بوت انت۔