لاہور۔ 7نومبر ( اے پی پی) بنجاہی وزیر ریلوے خواجہ سعد رفیق ءَ گشتگ انت کہ ٹرین سیفٹی ءِ سرا ھچ سمجھوتگ نہ بیت، مساپر آنی جان ءُُ مال ءَ رکھگ ءُُ وھیل ءَ بچائینگ ءِ ھاتر ءَ زوتیں ءُُ دیر پا ھل پٹگ بہ بیت۔ وسیلگ ءِ کمی ءَ ابید وھیل آنی سرا کنٹرول گندگ ءَ پر زور کوشست برجاہ بہ دار ات۔ آ دو شمبے ِ روچ ریلویز ہیڈ کوارٹرز کار گِس آں ٹرین سیفٹی آپریشن ءِ باروا یک ھاسیں مراگش ءِ پاگواجہی کنگ ءَ ات۔
مراگش ءَ وھیل ءِ دارگ ءِ ھاتر ءَ شریں حکمت عملی وضع کنگ ءِ ھاتر ءَ وزارت ریلوے ءُُ ریلوے ہیڈ کوارٹر ءِ برزیں پڑی افسر آں یکجا مشورگ بوتگ۔ وزیر ریلوے ءَ پنت ءُُ شون کرتگ کہ مساپر آنی جان ءُُ مال ءَ رکھگ ءُُ وھیل ءَ بچائینگ ءِ ھاتر ءَ زوتیں ءُُ دیریں ھل بہ پٹ ات، وسیلگ ءِ کمی ءَ ابید وھیل آنی سرا کنٹرول کنگ ءِ سرا زور کوشست برجاہ بہ دار انت آئی ءِ سرا شریدار آں تپاک کرت انت۔
دیوان ءَ اے گپ ءِ عہد کرت انت کہ ھستیں وسیلگ ءَ بوھگ ءَ درستیں محنت ءَ ہر ہما گام زورگ بہ بیت آئی ءَ وھیل ءَ داشت بہ کن انت۔ اے امیت ءِ سرا ہم پکر کرت انت کہ دگنیا ءَ ھستیں نوکیں ریلویز ءَ ھوار انچیں ٹیکنالوجی جوڑ کنگءَ پاکستان ریلوے ءَ دیما بیا ر انت کہ آ شریں ھرچ ءُُ درچ ءِ گوں ٹرین آپریشنءَ زیات ءَ چہ زیات محفوظ جوڑ بہ کنت۔ دیوان ءَ سیکرٹری ریلویز پروین آغا، چیف ایگزیکٹو آفیسر محمد جاوید انور، مشیر ریلوے انجم پرویز، باسک فنانس غلام مصطفی ءِ ھواری ءَ ریلوے ءِ دومی برزیں افسر آں بہر زرت انت۔
