اسلام آباد(پاکستان نیوز پوائنٹ 7نومبر2016ء) جرمنی نا پنی کیمیکل کمپنی بی اے ایس ایف نا نائب صدر ایشیاو بحرالکاہل ٹے جوئی سنگ پارینے کہ چین پاکستان اقتصادی راہداری ڈٹ (سی پیک) پاکستان نا اقتصادی شون انا بنداو ثابت مریک۔ تینا اسہ بیان اسے ٹی اوپارے کہ جدید پٹ وپو ل و انسانی وسیلہ غاتا شون معیشت نا مون آ دننگ اٹی اہم کڑد ادا کیک و پاکستان ہم تینا انسانی وسیلہ غاتے مارکیٹ نا گرج آتا رداٹ امنا و تربیت و انسانی وسیلہ غاتیان استفادہ نا کمک اٹ اقتصادی شون نا ہدف آتا دوئی ءِ باوری جوڑ کننگ کیک۔
اوپارے کہ بی اے ایس ایف مچ آ دنیا ٹی کاروبار کننگ ءِ و کمپنی نا سرسہبی نا دارومدار تکنیکی لائخی تا نکھار و صارف آتا گرج آتے پورو کننگ کن کمپنی نا پالیسی ءِ۔ اوپارے کہ سی پیک ڈٹ پاکستان نا اقتصادی شون اٹی اہم کڑد ادا کیک و داڑآن پاکستان نہ صرف سویلی ایشیاء نا ڈیہہ بلکن یورپی دنیاٹی واپاری و معاشی سرجزآتا اسہ اہم ءُ بنجااس جوڑ مریک ولے سی پیک آن حقی استفادہ کن پٹ وپول و انسانی وسیلہ غاتا بشخ آتیا خصوصی توجوہ تننگ نا گرج ءِ۔
